🛑 महात्मा गांधींचा अहिंसा व स्वच्छतेचा संदेश आत्मसात करणे गरजेचे

19

By Shahaji Warkhinde

October 2, 2026

🔴 महात्मा गांधींचा अहिंसा व स्वच्छतेचा संदेश आत्मसात करणे गरजेचे — दिलीप सोंडारे

शिवगर्जना न्यूज,

नायगाव प्रतिनिधी : दिपक गजभारे

नायगाव : राष्ट्रपिता महात्मा गांधी आणि माजी पंतप्रधान लालबहादूर शास्त्री यांच्या जयंती निमित्त सेवा संकल्प अभियानांतर्गत अनुसूचित जाती व नवबौद्ध मुलांची शासकीय शाळा, नायगाव येथे बार्टीच्या वतीने अभिवादन व स्वच्छता अभियान राबविण्यात आले.

यावेळी विद्यार्थ्यांना मार्गदर्शन करताना समतादूत दिलीप सोंडारे यांनी महात्मा गांधींचा अहिंसा आणि स्वच्छतेचा संदेश प्रत्येकाने आत्मसात करणे गरजेचे असल्याचे सांगितले. तसेच लालबहादूर शास्त्री यांचा देशाप्रती असलेला अभिमान, साधेपणा व निस्वार्थ सेवाभाव विद्यार्थ्यांनी आपल्या जीवनात अंगीकारावा, असे आवाहन त्यांनी केले.

कार्यक्रमाचे अध्यक्ष शाळेचे मुख्याध्यापक नवाज शेख, समतादूत दिलीप सोंडारे आणि सुधाकर बचलवाड यांच्या हस्ते महात्मा गांधी व लालबहादूर शास्त्री यांच्या प्रतिमेचे पूजन करून पुष्पहार अर्पण करण्यात आला.

त्यानंतर सेवा संकल्प अभियानांतर्गत शाळेच्या परिसरात विद्यार्थ्यांसह उपस्थित सर्वांनी स्वच्छता अभियान राबविले. स्वच्छता ही केवळ एका दिवसापुरती मर्यादित न ठेवता दैनंदिन जीवनाचा भाग बनविण्याचा संदेश यावेळी देण्यात आला.

यावेळी बाह्यस्रोत कंपनीचे कर्मचारी संजय वाघमारे, देवानंद गंगासागरे, हाणमंत खनपटे, शेख गौस, आझम, प्रकाश धडेकर तसेच विद्यार्थी उपस्थित होते.

सदर सेवा संकल्प अभियान बार्टीच्या महासंचालिका दिपा मुधोळ, निबंधक डॉ. शिंदे, विभाग प्रमुख डॉ. बबन जोगदंड, सहाय्यक समाज कल्याण आयुक्त शिवानंद मिनगीरे, नांदेड तसेच प्रकल्प अधिकारी मुंजाजी कांबळे यांच्या मार्गदर्शनाखाली राबविण्यात आले.

🔴मुख्य संपादक: श्री शहाजी वरखिंडे मो. 9923072242

Previous article

🛑 होटाळ्यात दुष्काळग्रस्त शेतीची शासकीय अधिकाऱ्यांकडून पाहणी

Next article

🔴 मांजरममध्ये १७ वर्षीय तरुणाची आत्महत्या; मृतदेहाजवळील चिठ्ठीत मराठा आरक्षणाचा उल्लेख.

Shahaji Warkhinde

ताज्या बातम्या

ताज्या बातम्या