🛑 होटाळ्यात दुष्काळग्रस्त शेतीची शासकीय अधिकाऱ्यांकडून पाहणी

33

By Shahaji Warkhinde

October 2, 2026

🛑 होटाळ्यात दुष्काळग्रस्त शेतीची शासकीय अधिकाऱ्यांकडून पाहणी

पावसाच्या प्रदीर्घ खंडामुळे खरीप पिके संकटात; पंचनामे करून तातडीने मदतीची शेतकऱ्यांची मागणी

शिवगर्जना न्यूज,

नायगाव : बाळासाहेब पांडे

होटाळा (ता. नायगाव) परिसरात यंदा पावसाने मोठी दडी मारल्याने खरीप हंगामातील पिकांवर दुष्काळाचे सावट निर्माण झाले आहे. पावसाअभावी पिकांची वाढ खुंटली असून अनेक ठिकाणी पिके करपून वाळून गेल्याने शेतकरी आर्थिक संकटात सापडला आहे.

या पार्श्वभूमीवर ग्रामविकास अधिकारी खैरनाथ, तलाठी मुंडे आणि कृषी सहाय्यक मुगावकर यांनी होटाळा परिसरातील दुष्काळग्रस्त शेतीची प्रत्यक्ष शेतात जाऊन पाहणी केली.

यावेळी अधिकाऱ्यांनी सोयाबीन, कापूस, तूर यांसह विविध खरीप पिकांची पाहणी करून पिकांची सद्यस्थिती, पावसाचे प्रमाण आणि झालेल्या नुकसानीची माहिती शेतकऱ्यांकडून जाणून घेतली. पावसाचा दीर्घ खंड पडल्याने पिकांच्या वाढीवर विपरीत परिणाम झाला असून यंदाच्या उत्पादनात मोठी घट होण्याची शक्यता शेतकऱ्यांनी व्यक्त केली.

खर्चही वसूल होण्याची शक्यता कमी

पावसाअभावी पिकांची अवस्था बिकट झाली असून लागवडीसाठी केलेला खर्चही वसूल होण्याची शक्यता कमी आहे. त्यामुळे नुकसानग्रस्त शेतीची शासन स्तरावर गांभीर्याने नोंद घेऊन वस्तुनिष्ठ पंचनामे करण्यात यावेत, तसेच पात्र शेतकऱ्यांना शासनाच्या नियमानुसार तातडीने मदत मिळावी, अशी मागणी शेतकऱ्यांनी केली.

दुष्काळजन्य परिस्थितीमुळे झालेल्या नुकसानीची प्रत्यक्ष पाहणी करून नोंद घेण्यात यावी आणि पुढील आवश्यक कार्यवाही तातडीने करण्यात यावी, अशी अपेक्षा ग्रामस्थांनी व्यक्त केली.

शेतकऱ्यांना आर्थिक मदतीची अपेक्षा

पावसाच्या प्रदीर्घ खंडामुळे खरीप हंगामातील उत्पादनावर मोठा परिणाम झाला आहे. त्यामुळे नुकसानग्रस्त शेतकऱ्यांना शासकीय आर्थिक मदत, पीकविमा तसेच दुष्काळी सवलतींचा लाभ मिळावा, अशी अपेक्षा शेतकऱ्यांनी व्यक्त केली आहे.

उपस्थिती

यावेळी सरपंच गणेश पाटील पवार, माजी चेअरमन शिवाजी पाटील पवार, संजय महाराज बन, माजी तंटामुक्ती अध्यक्ष प्रल्हाद पाटील पवार, नाना पाटील पवार, जेजेराव पाटील पवार, संभाजी पाटील पवार गुरुजी, दिगंबर पाटील पवार, दिगंबर पाटील पिंपळदरे, सुरेश पाटील पवार, ज्ञानेश्वर पाटील पवार, सदाशिव पाटील कंदुरके, मनोहर पाटील हिवराळे, किशन पाटील शिंदे, माजी उपसरपंच दत्तात्रय पाटील पवार, शशिकांत पाटील पवार, रंजीत पाटील पवार गुरुजी यांच्यासह शेतकरी व ग्रामस्थ मोठ्या संख्येने उपस्थित होते.

🔴मुख्य संपादक: श्री शहाजी वरखिंडे मो. 9923072242

ताज्या बातम्या

Buy now

🛑 होटाळ्यात दुष्काळग्रस्त शेतीची शासकीय अधिकाऱ्यांकडून पाहणी

🛑 होटाळ्यात दुष्काळग्रस्त शेतीची शासकीय अधिकाऱ्यांकडून पाहणी

पावसाच्या प्रदीर्घ खंडामुळे खरीप पिके संकटात; पंचनामे करून तातडीने मदतीची शेतकऱ्यांची मागणी

शिवगर्जना न्यूज,

नायगाव : बाळासाहेब पांडे

खर्चही वसूल होण्याची शक्यता कमी

शेतकऱ्यांना आर्थिक मदतीची अपेक्षा

उपस्थिती

🔴मुख्य संपादक: श्री शहाजी वरखिंडे मो. 9923072242

ताज्या बातम्या

🔴 सोयाबीनमधील अवैध कट्टी तात्काळ बंद करा; अन्यथा राष्ट्रीय मराठा महासंघ आक्रमक होणार.

🔴 सोयाबीन खरेदीतील ‘कट्टी’ला चाप! जिल्हा उपनिबंधकांचे बाजार समित्यांना कडक निर्देश

🔴 खासगी फायनान्स कंपन्यांच्या मनमानी वसुलीविरोधात युवा मोर्चा आक्रमक.

ताज्या बातम्या

🔴 सोयाबीनमधील अवैध कट्टी तात्काळ बंद करा; अन्यथा राष्ट्रीय मराठा महासंघ आक्रमक होणार.

🔴 सोयाबीन खरेदीतील ‘कट्टी’ला चाप! जिल्हा उपनिबंधकांचे बाजार समित्यांना कडक निर्देश

🔴 खासगी फायनान्स कंपन्यांच्या मनमानी वसुलीविरोधात युवा मोर्चा आक्रमक.

🔴 सुजात आंबेडकर यांच्या उपस्थितीत नांदेडमध्ये JAYBHIM GEN-Z संवाद.

🛑 जिल्हाधिकारी राहुल कर्डिले आक्रमक, नेरळीतील एसबीआयला अचानक भेट देत बँक अधिकाऱ्यांना निर्देश.