🔴 दुष्काळग्रस्त विद्यार्थ्यांचे परीक्षा शुल्क माफ करा मा. कुलगुरूंकडे मागणी

7

By Shahaji Warkhinde

October 1, 2026

🔴 दुष्काळग्रस्त विद्यार्थ्यांचे परीक्षा शुल्क माफ करा मा. कुलगुरूंकडे मागणी

शिवगर्जना न्यूज,

नांदेड प्रतिनिधी

नांदेड : महाराष्ट्र शासनाने दुष्काळग्रस्त विद्यार्थ्यांना दिलासा देण्यासाठी परीक्षा शुल्क माफ करण्याचा निर्णय घेतला असतानाही काही महाविद्यालये तसेच विद्यापीठातील विविध संकुलांकडून विद्यार्थ्यांकडून परीक्षा शुल्क आकारले जात असल्याची तक्रार समोर आली आहे. शासनाच्या निर्णयाची तातडीने प्रभावी अंमलबजावणी करून दुष्काळग्रस्त विद्यार्थ्यांना परीक्षा शुल्क माफीचा लाभ द्यावा, अशी मागणी वंचित बहुजन युवा आघाडीच्या वतीने मा. कुलगुरू यांच्याकडे निवेदनाद्वारे करण्यात आली.

दुष्काळाच्या परिस्थितीमुळे ,अनेक विद्यार्थी व त्यांच्या कुटुंबांवर आर्थिक संकट निर्माण झाले आहे. अशा परिस्थितीत शासनाने परीक्षा शुल्क माफीचा घेतलेला निर्णय विद्यार्थ्यांसाठी दिलासादायक आहे. मात्र, शासनाचा निर्णय लागू असतानाही काही ठिकाणी विद्यार्थ्यांकडून परीक्षा शुल्क आकारले जात असल्याने या निर्णयाचा प्रत्यक्ष लाभ विद्यार्थ्यांपर्यंत सपोहोचत नसल्याचे निवेदनात नमूद करण्यात आले आहे.

शासनाच्या निर्णयाची विद्यापीठ तसेच सर्व संबंधित महाविद्यालयांमध्ये योग्य पद्धतीने अंमलबजावणी करणे आवश्यक आहे. विद्यार्थ्यांवर अतिरिक्त आर्थिक भार पडू नये, यासाठी शासनाने माफ केलेले परीक्षा शुल्क विद्यार्थ्यांकडून आकारणे तात्काळ थांबवावे. विद्यार्थ्यांकडून केवळ परीक्षा आवेदनपत्र भरून घेण्यात यावे आणि पात्र दुष्काळग्रस्त विद्यार्थ्यांना परीक्षा शुल्क माफीचा पूर्ण लाभ देण्यात यावा, अशी मागणी करण्यात आली.

या मागणीचे निवेदन वंचित बहुजन युवा आघाडीचे महानगर महासचिव शुद्धोधन कापसीकर यांच्या वतीने मा.कुलगुरू यांना देण्यात आले. यावेळी यावेळी विनोद बनसोडे, विशाल वाघमारे, राजेश गजभारे, सुरज भंडारे, सुयश बोडके, यशस पोवळे आदी उपस्थित होते.

🔴 मुख्य संपादक: श्री शहाजी वरखिंडे मो. 9923072242

Previous article

🔴 कृषी तंत्र विद्यालयात साहित्यसम्राटचे २३० वे कविसंमेलन रंगले.

Next article

🔴 मुख्य वैद्यकीय अधिकारी डॉ. राहुल पाटील यांना सामाजिक पुरस्काराने सन्मानित.

Shahaji Warkhinde

ताज्या बातम्या

ताज्या बातम्या