🔴 संगीत म्हणजे मन-बुद्धीचे औषध : डॉ. सुनील जाधव

45

By Shahaji Warkhinde

September 30, 2026

🔴 संगीत म्हणजे मन-बुद्धीचे औषध : डॉ. सुनील जाधव

‘संगीत साधना मंच’ च्या ‘सुनहरी यादें’ कार्यक्रमाला देगलूरकर रसिकांचा उत्स्फूर्त प्रतिसाद

शिवगर्जना न्यूज,

देगलूर प्रतिनिधी

संगीत हे केवळ मनोरंजनाचे साधन नसून मनाला प्रसन्नता आणि बुद्धीला सकारात्मक ऊर्जा देणारे प्रभावी माध्यम आहे. “संगीत म्हणजे मन आणि बुद्धीचे औषध आहे,” असे प्रतिपादन डॉ. सुनील जाधव यांनी केले.

संगीत साधना मंच प्रस्तुत ‘सुनहरी यादें’ या गीतांच्या विशेष कार्यक्रमाचे आयोजन दि. २७ सप्टेंबर २०२७ रोजी करण्यात आले होते. या कार्यक्रमाला देगलूर शहरातील रसिकांनी मोठ्या संख्येने उपस्थित राहून उत्स्फूर्त प्रतिसाद दिला.

कार्यक्रमाच्या प्रारंभी लक्ष्मीकांत पद्दमवार, नंदकुमार शाखावर, बबलू टेकाळे, संजय चीन्नमवार, दत्तु अण्णा जोशी, महेश पाटील, बाबुराव उप्पलवार आदी मान्यवरांच्या उपस्थितीत सरस्वती पूजन करण्यात आले.

यानंतर विजय बंदमवार, ललिता डुलगच, डॉ. सुनील जाधव, सुवर्णा केळगिरे तसेच लक्ष्मण अमृतवार, गोविंद सुवर्णकार, सुरेश देशमुख, संजय मोतेवार, बलराज पटणे, यशवंत काब्दे आदी कलाकारांनी विविध लोकप्रिय आणि सदाबहार गीतांचे सादरीकरण केले.

कलाकारांनी सादर केलेल्या सुरेल गीतांनी उपस्थित रसिकांना जुन्या आठवणींच्या विश्वात नेले. प्रत्येक गीताला देगलूरकर रसिकांनी टाळ्यांचा कडकडाट आणि उत्स्फूर्त दाद देत कलाकारांचा उत्साह वाढविला. सुरेल गायन उत्कृष्ट सादरीकरण आणि रसिकांचा उत्स्फूर्त प्रतिसाद यामुळे संपूर्ण कार्यक्रमाचे वातावरण संगीतमय झाले.

कार्यक्रमाचे सूत्रसंचालन विजय बंदमवार यांनी प्रभावीपणे केले. कार्यक्रमाच्या यशस्वी आयोजनासाठी आणि उपस्थित रसिकांसाठी डॉ. सुनील जाधव यांनी आभार प्रदर्शन केले.

देगलूरकर रसिकांनी मोठ्या संख्येने उपस्थित राहून सर्व कलाकारांच्या गायनाला उत्स्फूर्त प्रतिसाद दिल्याने ‘सुनहरी यादें’ हा संगीत कार्यक्रम संस्मरणीय ठरला.

🔴मुख्य संपादक: श्री शहाजी वरखिंडे मो. 9923072242

Previous article

🛑 देगलूर शिवसेना महिला आघाडीच्या तालुका प्रमुखपदी ज्योती शिवाजीराव वरखिंडे यांची निवड.

Next article

🔴 कृषी तंत्र विद्यालयात साहित्यसम्राटचे २३० वे कविसंमेलन रंगले.

Shahaji Warkhinde

ताज्या बातम्या

ताज्या बातम्या