🛑 दिव्यांग विद्यार्थ्यांना योजनांची माहिती, नरसी येथे समतादूतांचा जनजागृती उपक्रम

18

By Shahaji Warkhinde

September 25, 2026

🛑 दिव्यांग विद्यार्थ्यांना योजनांची माहिती, नरसी येथे समतादूतांचा जनजागृती उपक्रम

शिवगर्जना न्यूज,

नायगाव : बाळासाहेब पांडे

पंतप्रधान नरेंद्र मोदी यांच्या जयंतीनिमित्त १७ सप्टेंबर ते १७ ऑक्टोबर या कालावधीत महाराष्ट्र शासनाच्या नियमानुसार विविध उपक्रम राबविण्यात येत आहेत. या अभियानांतर्गत बार्टीच्या वतीने नायगाव तालुक्यातील समतादूत दिलीप सोंडारे यांनी गुरुवारी (दि. २४) नरसी येथील अपंग व निवासी मूकबधिर शाळेतील विद्यार्थ्यांना शासनाच्या विविध योजनांची माहिती देत जनजागृती केली.

दिव्यांग विद्यार्थ्यांसाठी शासनाकडून मोफत उपलब्ध करून देण्यात येणाऱ्या विविध योजना, सुविधा व सहाय्य याबाबत विद्यार्थ्यांसह शिक्षकांना माहिती देण्यात आली. योजनांचा लाभ पात्र विद्यार्थ्यांनी घ्यावा, तसेच त्याबाबतची माहिती गरजूंपर्यंत पोहोचवावी, असे आवाहन यावेळी करण्यात आले. कार्यक्रमानंतर शाळेच्या परिसरात वृक्षारोपणही करण्यात आले.

यावेळी मुख्याध्यापिका एस.एल. हिमगीरे, सहशिक्षक पी.एम. वाघमारे, एम.आर. बागवान, एस.जी. भालके, ए.आर. बेंद्रे, एन.एस. मांजरमकर, ए.एल. गवलवाड, व्ही.एन. शिंदे, एस.एम. कुराडे यांच्यासह शाळेतील विद्यार्थी उपस्थित होते.

महाराष्ट्र शासनाच्या सामाजिक न्याय व विशेष सहाय्य विभागाच्या स्वायत्त संस्थेच्या डॉ. बाबासाहेब आंबेडकर संशोधन व प्रशिक्षण संस्था (बार्टी), पुणे यांच्या वतीने हा उपक्रम राबविण्यात आला. बार्टीच्या महासंचालक दीपा मुधोळ-मुंढे, निबंधक डॉ. सुचीता शिंदे, विभाग प्रमुख डॉ. बबन जोगदंड तसेच नांदेडचे समाजकल्याण विभागाचे सहाय्यक आयुक्त शिवानंद मिनगीरे, समाजकल्याण अधिकारी गजानन नरवाडे आणि समतादूत जिल्हा प्रकल्प अधिकारी मुंजाजी कांबळे यांच्या मार्गदर्शनाखाली संकल्प अभियानांतर्गत हा कार्यक्रम घेण्यात आला.

🔴मुख्य संपादक: श्री शहाजी वरखिंडे मो. 9923072242

Previous article

🛑 “कर्जमाफीचा लाभ द्या” शहापूरच्या शेतकऱ्यांचे बँक व्यवस्थापकांना निवेदन, विलंब झाल्यास आंदोलनाचा इशारा.

Next article

🛑 उपमुख्यमंत्री सुनेत्रा पवार शेतकऱ्यांच्या बांधावर नायगाव तालुका दुष्काळग्रस्त जाहीर करा.

Shahaji Warkhinde

ताज्या बातम्या

ताज्या बातम्या