🛑 ‘नशामुक्त युवा – विकसित भारत’ अभियानाचा देगलूरमध्ये उत्साहात शुभारंभ; १० कोटी व्यसनमुक्ती प्रतिज्ञेचा संकल्प

🛑 ‘नशामुक्त युवा – विकसित भारत’ अभियानाचा देगलूरमध्ये उत्साहात शुभारंभ; १० कोटी व्यसनमुक्ती प्रतिज्ञेचा संकल्प

शिवगर्जना न्यूज,

देगलूर प्रतिनिधी

देगलूर : दि. ४ ऑगस्ट भारताचे पंतप्रधान मा. नरेंद्र मोदी यांच्या हस्ते दि. २ ऑगस्ट रोजी सुरू झालेल्या ‘नशामुक्त युवा – विकसित भारत’ अभियानांतर्गत भारत सरकारच्या आवाहनानुसार ब्रह्माकुमारीज संस्थे तर्फे देशभरातील १० कोटी युवा विद्यार्थी-विद्यार्थिनींना व्यसनमुक्तीची प्रतिज्ञा देण्याचा महाअभियान राबविण्यात येत आहे. या अभियानाचा देगलूर तालुक्यात उत्साहपूर्ण प्रारंभ करण्यात आला.

ब्रह्माकुमारी ईश्वरीय विश्व विद्यालय, देगलूर यांच्या वतीने दि. ३ ऑगस्ट रोजी शांतिवर्धक हायस्कूल व जिल्हा परिषद शाळा, कुन्मारपल्ली येथे अभियानाचा शुभारंभ झाला.

कार्यक्रमाची सुरुवात डॉ. सुनील जाधव यांनी सादर केलेल्या “ए मालिक तेरे बंदे हम” या प्रार्थना गीताने झाली. यावेळी बी.के. मेनका बहनजी यांनी व्यसनाचे दुष्परिणाम, व्यसनमुक्त जीवनाचे महत्त्व आणि सुदृढ समाजनिर्मितीसाठी युवकांची भूमिका याविषयी विद्यार्थ्यांना प्रभावी मार्गदर्शन केले. यानंतर सर्व विद्यार्थ-विद्यार्थिनींना व्यसनमुक्तीची प्रतिज्ञा देण्यात आली.

यानंतर शांतिवर्धक हायस्कूल, मानूर व पंचपूरा माध्यमिक विद्यालय, माळेगाव मकता येथेही बी.के. मेनका बहनजी यांनी व्यसनमुक्तीविषयी मार्गदर्शन करून विद्यार्थ्यांना प्रतिज्ञा दिली. कार्यक्रमाचे प्रास्ताविक डॉ. सुनील जाधव, सूत्रसंचालन एस.एन. बिरादार यांनी केले.

अभियानाच्या दुसऱ्या पथकात बी.के. विद्या बहनजी यांनी जिल्हा परिषद हायस्कूल, खानापूर, गजानन माध्यमिक विद्यालय, तडखेल आणि प्रगती माध्यमिक विद्यालय, सुगाव येथे विद्यार्थ्यांना व्यसनमुक्ती विषयी मार्गदर्शन करून प्रतिज्ञा दिली. यावेळी गजेंद्रभाई, किशनभाई, संबंधित शाळांचे मुख्याध्यापक व शिक्षक मोठ्या संख्येने उपस्थित होते.

अभियानाच्या पहिल्याच दिवशी तालुक्यातील सात शाळांमधील १,४६० विद्यार्थी-विद्यार्थिनींनी व्यसनमुक्ती ची प्रतिज्ञा घेत निरोगी, सुदृढ आणि व्यसनमुक्त भारत घडविण्याचा संकल्प केला. हे महाअभियान दि. २० ऑगस्ट २०२६ पर्यंत देगलूर तालुक्यातील विविध महाविद्यालये व शैक्षणिक संस्थांमध्ये राबविण्यात येणार असून, अधिकाधिक युवकांना व्यसनमुक्तीचा संदेश देण्याचा संकल्प ब्रह्माकुमारी संस्थेने केला आहे.

🔴मुख्य संपादक: श्री शहाजी वरखिंडे

मो. 9923072242