🛑 नीट-२०२६ मध्ये नरसीच्या तपस्या पुलचवाडचे घवघवीत यश; परिसरातून कौतुकाचा वर्षाव

25

By Shahaji Warkhinde

July 23, 2026

🔴 नीट-२०२६ मध्ये नरसीच्या तपस्या पुलचवाडचे घवघवीत यश; परिसरातून कौतुकाचा वर्षाव..

💥 देशात १,१२० वा क्रमांक; ६५५ गुणांसह अखिल भारतीय आयुर्विज्ञान संस्थेत प्रवेशासाठी पात्र.

शिवगर्जना न्यूज,

नायगाव : बाळासाहेब पांडे

तालुक्यातील नरसी येथील कु. तपस्या अनुपमा साईनाथ पुलचवाड हिने राष्ट्रीय पात्रता व प्रवेश परीक्षा (नीट)-२०२६ मध्ये ६५५ गुण मिळवत देशात १,१२० वा क्रमांक पटकावला आहे. या उल्लेखनीय यशामुळे ती अखिल भारतीय आयुर्विज्ञान संस्था (एम्स) येथील वैद्यकीय पदवी अभ्यासक्रमाच्या प्रवेशासाठी पात्र ठरली आहे. तिच्या या यशामुळे नरसीसह संपूर्ण नायगाव तालुक्याच्या शिरपेचात मानाचा तुरा रोवला गेला आहे.

तपस्या ही जिल्हा परिषद शिक्षिका अनुपमा बन-पुलचवाड आणि साईनाथ पुलचवाड यांची कन्या आहे. शिक्षणाची भक्कम पाया भरणी आणि सातत्यपूर्ण अभ्यासाच्या जोरावर तिने हे यश संपादन केले आहे.

तपस्याचे प्राथमिक शिक्षण जिल्हा परिषद केंद्रीय प्राथमिक शाळा, नरसी येथे झाले. त्यानंतर पाचवी ते आठवी पर्यंतचे शिक्षण नायगाव येथील ग्रीन व्हॅली विद्यालयात पूर्ण केले. नववीपासून वैद्यकीय प्रवेश परीक्षेची भक्कम तयारी करण्यासाठी ती नांदेड येथे राहून नियमित अभ्यास करत होती. कठोर परिश्रम, शिस्तबद्ध दिनक्रम आणि यशाची जिद्द यांच्या बळावर तिने राष्ट्रीय स्तरावरील या स्पर्धात्मक परीक्षेत उल्लेखनीय कामगिरी नोंदविली.

लहानपणापासूनच तपस्याने विविध स्पर्धा परीक्षांमध्ये आपल्या बुद्धिमत्तेची छाप पाडली आहे. पाचवीत असताना ती जवाहर नवोदय विद्यालय प्रवेश परीक्षेत पात्र ठरली होती. तसेच शिष्यवृत्ती परीक्षेतही तिने यश मिळविले होते. दहावीच्या केंद्रीय माध्यमिक शिक्षण मंडळाच्या परीक्षेत तिने ९६.६० टक्के गुण मिळविले असून गणित विषयात शंभर पैकी शंभर गुण प्राप्त करून आपल्या गुणवत्तेचा ठसा उमटविला होता.

अभ्यासातील सातत्य, चिकाटी आणि अविरत मेहनतीच्या बळावर तिने नीट-२०२६ मध्ये हे दैदिप्यमान यश मिळविले. या यशाचे श्रेय तिने आपल्या सर्व शिक्षकांसह आई-वडिलांच्या मार्गदर्शनाला व प्रोत्साहनाला दिले आहे.

तपस्याच्या या यशाबद्दल शैक्षणिक, सामाजिक व विविध क्षेत्रांतील मान्यवरांकडून तिचे अभिनंदन होत असून, तिच्यावर शुभेच्छांचा वर्षाव केला जात आहे. तिच्या यशामुळे ग्रामीण भागातील विद्यार्थ्यांसाठी नवी प्रेरणा निर्माण झाली आहे.

🔴मुख्य संपादक: श्री शहाजी वरखिंडे

मो. 9923072242

Previous article

🛑 कृषी व अन्न तंत्र महाविद्यालयात स्व. अजितदादा पवार यांना अभिवादन.

Next article

🔴 प्रभाग क्रमांक १२ मधील नमो उद्यानास कै. उपमुख्यमंत्री अजित दादा पवार यांचे नाव देण्यात यावे — धनाजी जोशी

Shahaji Warkhinde

ताज्या बातम्या

ताज्या बातम्या