🛑 शासकीय क्रीडा मैदानाच्या उभारणीची मागणी; तरुणांनी तहसीलदारांना दिले निवेदन

14

By Shahaji Warkhinde

July 18, 2026

🔴 मैदाना अभावी नायगावच्या तरुणांमध्ये नाराजी; शासकीय क्रीडा मैदानासाठी तहसीलदारांना निवेदन.

शिवगर्जना न्यूज,

नायगाव बाळासाहेब पांडे

नायगाव शहरात शासकीय क्रीडा मैदान नसल्याने पोलीस, सैन्य तसेच विविध भरती परीक्षांची तयारी करणाऱ्या तरुणांना मोठ्या अडचणींचा सामना करावा लागत आहे. सरावासाठी योग्य व सुरक्षित मैदान उपलब्ध नसल्याने अनेक युवकांना रस्त्यावर, मोकळ्या जागांमध्ये किंवा धोकादायक ठिकाणी धावण्याचा व व्यायामाचा सराव करावा लागत असून या बाबत तरुणांमध्ये तीव्र नाराजी व्यक्त होत आहे. या पार्श्वभूमीवर युवा विद्यार्थी संघटना, नायगाव यांच्या वतीने तहसीलदारांना निवेदन देऊन नायगाव शहर व तालुक्यासाठी तातडीने शासकीय क्रीडा मैदान उपलब्ध करून देण्याची मागणी करण्यात आली.

निवेदनात नमूद करण्यात आले आहे की, नायगाव तालुक्यात कबड्डी, खो-खो, क्रिकेट, ॲथलेटिक्ससह विविध क्रीडा प्रकारांमध्ये चमकदार कामगिरी करणारे अनेक खेळाडू आहेत. तसेच शेकडो युवक पोलीस, सैन्य आणि इतर सरकारी भरतीसाठी नियमित सराव करतात. मात्र, मैदानाच्या अभावामुळे त्यांच्या तयारीवर विपरीत परिणाम होत असून अनेकांना सराव अर्धवट सोडावा लागत आहे.

खेळाडू आणि भरतीची तयारी करणाऱ्या तरुणांचे म्हणणे आहे की, प्रत्येक तालुक्यात क्रीडा सुविधा उपलब्ध होत असताना नायगावसारख्या मोठ्या तालुक्यात आजही शासकीय क्रीडा मैदान नसणे ही दुर्दैवी बाब आहे. मैदान नसल्याने केवळ खेळाडूंचेच नव्हे, तर स्पर्धा परीक्षांसाठी शारीरिक तयारी करणाऱ्या युवकांचेही नुकसान होत आहे. युवा विद्यार्थी संघटनेने शासनाकडे शासकीय जागा क्रीडा मैदानासाठी राखीव करून ‘तालुका क्रीडा संकुल’ उभारण्याची, तसेच भरतीची तयारी करणाऱ्या युवकांसाठी आवश्यक सुविधा उपलब्ध करून देण्याची मागणी केली आहे.

नायगावच्या वाढत्या युवा शक्तीला योग्य दिशा देण्यासाठी आणि खेळाडू व भरतीच्या उमेदवारांचे भविष्य घडवण्यासाठी शासकीय क्रीडा मैदानाची मागणी आता अधिक तीव्र झाली असून प्रशासनाने याकडे तातडीने लक्ष द्यावे, अशी अपेक्षा तालुक्यातील तरुणांनी व्यक्त केली आहे.

नायगाव शहरातील क्रीडा मैदानाच्या संदर्भात क्रीडा विभागाच्या अधिकाऱ्यांकडून जागेची पाहणी करण्यात आली आहे. तहसील कार्यालयालगत उपलब्ध असलेल्या जागेवर धावपट्टी (रनिंग ट्रॅक) व क्रीडा मैदान विकसित करण्याबाबतची प्रक्रिया सुरू असून हा विषय लवकरच मार्गी लागेल. आवश्यक कार्यवाही पूर्ण झाल्यानंतर हे मैदान विद्यार्थी, खेळाडू तसेच पोलीस व सैन्य भरतीची तयारी करणाऱ्या युवकांसाठी उपलब्ध करून देण्यात येईल.–धम्मप्रिया गायकवाड तहसीलदार, नायगाव.

🔴मुख्य संपादक: श्री शहाजी वरखिंडे

मो. 9923072242

ताज्या बातम्या

Buy now

🛑 शासकीय क्रीडा मैदानाच्या उभारणीची मागणी; तरुणांनी तहसीलदारांना दिले निवेदन

🔴 मैदाना अभावी नायगावच्या तरुणांमध्ये नाराजी; शासकीय क्रीडा मैदानासाठी तहसीलदारांना निवेदन.

शिवगर्जना न्यूज,

नायगाव बाळासाहेब पांडे

🔴मुख्य संपादक: श्री शहाजी वरखिंडे

मो. 9923072242

ताज्या बातम्या

🛑 हदगाव रेस्ट हाऊस येथे पोलीस मित्र संघटनेची बैठक; पदाधिकाऱ्यांना मार्गदर्शन

🛑 लोकप्रिय नेते वसंतराव चव्हाण यांच्या जयंतीनिमित्त रुग्णांना फळवाटप.

🇮🇳 देगलूर उपजिल्हाधिकारी कार्यालयात स्वातंत्र्य दिन उत्साहात साजरा.

ताज्या बातम्या

🛑 हदगाव रेस्ट हाऊस येथे पोलीस मित्र संघटनेची बैठक; पदाधिकाऱ्यांना मार्गदर्शन

🛑 लोकप्रिय नेते वसंतराव चव्हाण यांच्या जयंतीनिमित्त रुग्णांना फळवाटप.

🇮🇳 देगलूर उपजिल्हाधिकारी कार्यालयात स्वातंत्र्य दिन उत्साहात साजरा.

🛑 साहित्यिकांची मांदियाळी, कर्तृत्वाचा गौरव; सिंधुदुर्गनगरीत रंगला दिमाखदार सोहळा

🛑 नरसी-नायगाव मार्गावर भीषण अपघात; एक ठार, सात गंभीर जखमी.