🛑 कार्य संस्कृतीची जोपासना व कर्तव्य पालन केल्यासच राष्ट्र सामर्थ्यशाली बनेल —- डॉ. विठ्ठलराव लहाने

🔴 कार्य संस्कृतीची जोपासना व कर्तव्य पालन केल्यासच राष्ट्र सामर्थ्यशाली बनेल — डॉ. विठ्ठलराव लहाने प्लास्टिक सर्जन जागतिक दर्जा. 

(कै. नारायणराव चिद्रावार स्मृती व्याख्यान मालेत प्रतिपादन) 

शिवगर्जना न्यूज, 

देगलूर प्रतिनिधी 9923072242

देगलूर : आपल्या भारत देशाला वैभवशाली संस्कृतीचा वारसा लाभलेला असून भारतातील प्रत्येक नागरिकांने कार्य संस्कृती व कर्तव्याचे पालन समर्पित भावनेने केल्यास राष्ट्र सामर्थ्यशाली बनेल व भविष्यकाळात आपला देश एक विकसित राष्ट्र निर्माण होण्यास वेळ लागणार नाही. त्यासाठी प्रत्येकाने कार्य संस्कृतीची जोपासना करून आपली जबाबदारी समजून घेतली पाहिजे व जास्तीत जास्त चांगले काम समर्पित भावनेने करण्याचा प्रयत्न केला पाहिजे असे प्रतिपादन जागतिक कीर्तीचे प्लास्टिक सर्जन व प्रख्यात वक्ते डॉ. विठ्ठलराव लहाने यांनी केले आहे. ते देगलूर येथे जेष्ठ समाजवादी नेते कै.नारायणराव चिद्रावार स्मृती व्याख्यानमालेत ४० वे पुष्प गुंफताना बोलत होते. 

व्याख्यानमालेच्या अध्यक्षस्थानी माजी नगराध्यक्ष लक्ष्मीकांत पद्दमवार, व्यासपीठावर निजामबाद विधानसभा मतदार संघ आमदार धनपाल सूर्यनारायण गुप्ता, महाराष्ट्र राज्य रस्ते विकास महामंडळ महाव्यवस्थापक तथा मा. उपमुख्यमंत्री यांचे खाजगी सचिव बालाजीराव पाटील ख़तगावकर व व्याख्यानमाला संयोजक डॉ. किरण चिद्रावार उपस्थित होते. 

प्रारंभी प्रा. सोमनाथराव, प्रकाश सोनकांबळे यांच्या स्वागत गीताने मान्यवरांचे स्वागत करण्यात आले. कै.नारायणराव चिद्रावार यांच्या प्रतिमेचे पूजन व दिप प्रज्वलन करून व्याख्यानमालेस प्रारंभ करण्यात आला. कार्यक्रमाच्या प्रास्ताविकपर भाषणातून श्री किरण चिद्रावार यांनी कै.नारायणराव चिद्रावार यांच्या जीवन काळातील विविध क्षेत्रातील विकास कामाचा आढावा घेतला. त्यात अडत व्यापारी शिक्षण संस्थेची व देगलूर महाविद्यालयाची स्थापना करून गरीब शेतकरी व शेतमजुरांच्या मुलामुलींसाठी उच्च शिक्षणाची सोय उपलब्ध करून दिली.नगरेश्वर मंदिर, राघवेंद्र स्वामी मंदिर स्थापन केल्याचा उल्लेख केला. अल्पसंख्यांक लोकांसाठी मौलाना आझाद उर्दू हायस्कूल स्थापन केले. त्यांच्या कार्यकाळात नगर परिषदेमार्फत केलेले विकास कामाची माहिती दिली. 

याप्रसंगी प्रमुख पाहुणे म्हणून उपस्थित असलेले बालाजी पाटील खतगावकर यांनी देगलूर नगर परिषदेचे मुख्याधिकारी म्हणून त्यांनी अनुभवलेल्या आणि विकास कामाचा देखील सविस्तर उल्लेख केला. देगलूर शहर व येथील परिसराच्या सर्वांगीण विकसात चिद्रावार परिवाराच्या योगदानाचा गौरवाने उल्लेख केला. निजामबाद आमदार धनपाल सूर्यनारायण गुप्ता यांनी देखील चिद्रावार परिवार हा आदर्श परिवार असुन आमचे कौटुंबिक नातेसंबंध निर्माण झाले यासाठी मी स्वतःला भाग्यशाली समजतो असेही गौरवोद्गार काढले. अध्यक्षीय समारोप करताना लक्ष्मीकांत पद्दमवार यानी कै नारायणराव चिद्रावार यांच्या जीवनवर प्रकाश टाकून त्यांचा समाजवादी वारसा व विविध समाज उपयोगी कामे करण्याची प्रेरणा मिळाली प्रतिपादन केले.

डॉ. विठ्ठलराव लहाने प्लॅस्टिक सर्जन जागतिक दर्जा संपादन केलेले यांनी आपल्या जीवनातील अनेक अनुभव प्रतिपादन करून जीवनामध्ये यशस्वी व्हायचे असेल तर जबाबदारीचे तत्व, सातत्य, चांगली पात्रता निरीक्षणात्मक दृष्टी, सचोटी, निरीक्षण, स्वच्छता आणि शिस्त असणे महत्त्वाचे असल्याचे नमूद केले. जोपर्यंत प्रत्येक व्यक्ती आपल्या कुटुंबामध्ये अधिक वेळ देणार नाही, कुटुंबात असलेले नातेसंबंध जपणार नाही तोपर्यंत त्याच्या जीवनात खरा आनंद मिळणार नाही असे प्रतिपादन केले. कार्यक्रमाचे सूत्र संचालन प्रा.डॉ.बी.आर.कत्तूरवार तर आभार प्रा संग्राम पाटील यांनी मानले. 

कार्यक्रमास देगलूर शहरातील प्रतिष्टीत नागरिक, अ.व्या.शि. संस्थेचे अध्यक्ष श्री प्रकाश पाटील बेम्बरेकर, कोषाध्यक्ष विलास तोटावार, कार्यकारी मंडळ सदस्य सूर्यकांत नारलावार, देवेंद्र मोतेवार, रवींद्र द्याडे, चंद्रकांत नारलावार, प्राचार्य डॉ मोहन खताळ, महेश पाटील, डॉ. भूमे, डॉ. संतोष चिंतलवार, अविनाश कोडगीरे, ज्येष्ठ पत्रकार अविनाश हासनाळकर, डॉ. रवींद्र चीद्रावार, उपप्राचार्य डॉ.अनिल चीद्रावार, उपप्राचार्य डॉ. व्ही. जी. शेरीकर, उपप्राचार्य एम.एम. पटेल प्रकाश चिद्रावार, गिरीश चिद्रावार, गुरुराज चिद्रावार व वल्लभ चिद्रावार यांच्यासह बहुसंख्य नागरिक उपस्थित होते.

🔴 शिवगर्जना न्यूज मुख्य संपादक: श्री शहाजी वरखिंडे  9923072242