🛑 रेतीचा ओव्हरलोड ट्रक उलटला परंतु सुदैवाने जीवित हानी टळली.

🛑 रेतीचा ओव्हरलोड ट्रक उलटला परंतु सुदैवाने जीवित हानी टळली शेळगाव येथील घटना. 

🔴 झोपेच्या एका क्षणामुळे अनेकांच्या जीवावर बेतलं असतं…. 

शिवगर्जना न्यूज,

देगलूर  प्रतिनिधी

देगलूर तालुक्यातील शेवाळा रस्त्यावरील (शेळगाव नृसिंह) येथे ८ एप्रिल रोजी सकाळी ६:३० वा. सुमारास एक भीषण अपघात झाला. रेती वाहतूक करणाऱ्या एका टिप्परच्या चालकाला अचानक झोपेच्या क्षणामुळे वाहन थेट रस्त्याच्या कडेला पलटी झाली सुदैवाने यात कोणतीही जीवित हानी झाली नाही.

मिळालेल्या माहिती नुसार, एम एच २६ बी ई १७०७ क्रमांकाचा टिप्पर सकाळी ६:३० वाजता रेती घेऊन सगरोळी येथुन (शेळगाव नृसिंह) मार्गावरून देगलूर कडे जात होता. शेळगाव नृसिंह शिवारात आला असता, चालकाला झोप लागल्याने त्याचे वाहनावरील नियंत्रण सुटले आणि भरधाव टिप्पर रस्त्याखाली जाऊन पलटी झाला.

पहाटेची वेळ असल्याने आणि सुदैवाने रस्त्यावर व घराबाहेर वर्दळ नसल्याने मोठा अनर्थ टळला आहे. अपघाताचा आवाज ऐकताच परिसरातील नागरिकांनी तातडीने मदतीसाठी धाव घेतली. या अपघातात टिप्परचे मोठ्या प्रमाणात नुकसान झाले असून चालकाला सुरक्षित बाहेर काढण्यात आले आहे.

या घटनेमुळे परिसरात भीतीचे वातावरण पसरले असून, भविष्यात अशा घटनांमुळे कोणतेही अनुचित प्रकरण किंवा मोठी दुर्घटना घडू नये, यासाठी संबंधित विभागाने गांभीर्याने लक्ष द्यावे, अशी मागणी स्थानिक नागरिकांकडून केली जात आहे. प्रशासनाने या मार्गावरील जड वाहनांच्या वेगावर आणि वाहतुकीच्या नियमांवर नियंत्रण ठेवावे, असेही बोलले जात आहे.

शिवगर्जना न्यूज संपादक : श्री शहाजी वरखिंडेक्बाषतम्या व जाहिरातीसाठी संपर्क 🗣📲📞(9923072242)