🛑 शहरात घरगुती सिलेंडर चा तुटवडा घरगुती गॅस मिळवण्यासाठी नागरिकांच्या लांबच लांब रांगा.

कुंडलवाडी शहरात सिलेंडरचा तुटवडा; घरगुती गॅस मिळवण्यासाठी नागरिकांच्या लांबच लांब रांगा तर पोलीस बंदोबस्तात वितरण सुरळीत चालू

शिवगर्जना न्यूज, 

कुंडलवाडी (सिध्दार्थ कांबळे)               

कुंडलवाडी शहरातील व परिसरात ९० टक्के हॉटेलमध्ये, इडली सेंटर, मध्ये, बिअर बार अँड रेस्टॉरंट, धाबे घरगुती गॅसचा राजरोसपणे सर्रास वापरताना दिसून येत आहे. नियमानुसार निळी टाकी ज्याला कमर्शियल गॅस टाकी हे वापरायला पाहिजे. परंतू हॉटेल मालक व धाबेवाले हे राजरोसपणे घरगुती गॅस वापरतात हे कोणत्या नियमात बसते यावर वरिष्ठ अधिकाऱ्यांनी विशेष लक्ष देणे गरजेचे आहे.

कुंडलवाडी शहरातील कुंभारगल्ली परिसरात असलेल्या इंडियन गॅस च्या समोर कुंडलवाडी शहर व परिसरातील नागरिकांनी घरगुती गॅस साठी मोठी गर्दी होताना आपणास पहावयास मिळत असल्यामुळे शेवटी नाईलाजाने पोलीसांचा चोख बंदोबस्तात गॅस एजन्सी धारकांना गॅस वाटप करावे लागत आहे. 

याबाबत सविस्तर वृत्त असे की,कुंडलवाडी शहरात गेल्या अनेक दिवसांपासून ओंकार इंडियन नावाची गॅस एजन्सी आहे. सदरील गॅस एजन्सी बाबत कुंडलवाडी शहर व परिसरातील अनेक जनतेच्या तक्रारी ऐकायला मिळत आहेत. आतापर्यंत अनेक वर्तमानपत्रात या गॅस एजन्सी बाबत बातम्या सुद्धा प्रकाशित झालेल्या आहेत. कुंडलवाडी शहरात व परिसरात बहूतांश हॉटेल,बार व रेस्टॉरंट, इडली सेंटर, धाबे या ठिकाणी सरळ सरळ घरगुती गॅस वापरताना दिसून येत आहे. यामुळे की काय कुंडलवाडी शहरात गॅसचा तुटवडा कमी पडत आहे.

याच कारणास्तव होणारा त्रास सर्वसामान्य गोरगरीब लोकांना व नागरिकांना सोसावा लागत आहे. एका गॅस सिलेंडर साठी एका कुटुंबाला जवळपास ३० ते ३५ दिवस वाट पाहिल्यानंतर ही वेळेवर गॅस उपलब्ध होत नाही. यामुळे अनेक घरातील लोकांनी जुन्या परंपरेनुसार चुल्या पेटवताना दिसून येत आहेत. यासाठी तालुका व जिल्हा पुरवठा अधिकाऱ्यांनी विशेष लक्ष घालून कुंडलवाडी येथील ओंकार गॅस एजन्सी मालकांनी घरगुती गॅस इतरत्र ठिकाणी देऊ नये यावर लक्ष ठेवून राहणे गरजेचे आहे. अशी प्रतिक्रिया शहरातील अनेक त्रस्त नागरिकांनी कुंडलवाडी शहरातील पत्रकार बांधवांकडे आपली प्रतिक्रिया व्यक्त केली आहे.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞 (9923072242)