🛑 भाऊराव मोरे यांना ‘आधारस्तंभ’ पुरस्कार जाहीर.

🔴 अंधश्रद्धा निर्मूलन वार्तापत्र’च्या वतीने नायगावच्या भाऊराव मोरे यांना ‘आधारस्तंभ’ पुरस्कार जाहीर.

शिवगर्जना न्यूज, 

बाळासाहेब पांडे

नायगाव : सामाजिक चळवळीतील ध्येय वेडे कार्यकर्ते भाऊराव मोरे (ता. नायगाव, जि. नांदेड) यांना ‘अंधश्रद्धा निर्मूलन वार्तापत्र’ च्या वतीने यंदाचा ‘आधारस्तंभ’ पुरस्कार जाहीर झाला आहे.

त्यांनी अंधश्रधा मध्ये उत्कृष्ट काम करून समाज मनावर ठसा निर्माण केला आहे या कार्याबद्दल पत्राद्वारे संपादक मंडळाने त्यांचे मन:पूर्वक अभिनंदन केले असून, त्यांच्या कार्याचा गौरव करण्याचा निर्णय घेतल्याची माहिती देण्यात आली आहे.

हा पुरस्कार समारंभ रविवार, दि. १४ सप्टेंबर २०२५ रोजी लातूर येथे होणार आहे. राज्यकार्यकारिणीच्या बैठकीच्या वेळी संपादकीय विचारवंत प्रा. शंकर मोरे पुराणिक यांच्या हस्ते भाऊराव मोरे यांना हा पुरस्कार प्रदान करण्यात येईल. त्याआधी शनिवारी, दि. १३ सप्टेंबर रोजी राज्यकार्यकारिणीची बैठक होणार असून, दोन्ही दिवशी पुरस्कार विजेते उपस्थित राहावेत, असे आवाहन करण्यात आले आहे.

पत्रकात नमूद केल्याप्रमाणे अंधश्रद्धा निर्मूलन वार्तापत्रच्या बळकटीसाठी भाऊराव मोरे यांनी सातत्याने दिलेले योगदान महत्त्वपूर्ण असल्याचे गौरवोद्गार काढण्यात आले आहेत. त्यांच्या कार्यामुळे समितीच्या विचारांचा प्रसार ग्रामीण भागापर्यंत प्रभावीपणे पोहोचला असे ही म्हटले आहे.

संपादक राजीव देशपांडे, सहसंपादक मुक्ता दाभोलकर व अनिल चव्हाण तसेच प्रकाशक राहुल थोऱात यांनी स्वाक्षरी केलेल्या पत्रकातून भाऊराव मोरे यांना मन:पूर्वक शुभेच्छा देण्यात आल्या आहेत.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)