🛑 देगलूरात गुलाल उधळत, फटाके फोडत मराठा समाज बांधवांचा विजयोत्सव.

143

By Shahaji Warkhinde

September 2, 2025

🔴 देगलूरात गुलाल उधळत, फटाके फोडत मराठा समाज बांधवांचा विजयोत्सव.

शिवगर्जना न्यूज,

देगलूर, प्रतिनिधी

मुंबईतील आझाद मैदानावर मराठा आरक्षणासाठी मनोज जरांगे पाटील यांनी पाच दिवस चालविलेल्या उपोषणाला मंगळवारी (ता.२) संध्याकाळी यश मिळताच देगलूर शहरासह तालुक्यातील गावे आनंदाच्या जल्लोषाने दणाणून गेली.

देगलूर शहरातील मुख्य छत्रपती शिवाजी महाराज चौक रस्त्यांवर गुलाल उधळून, फटाके फोडून, ढोल-ताशांच्या गजरात व डिजेच्या तालावर मराठा समाज बांधवांनी एकमेकांना पेढे भरवत विजयोत्सव साजरा केला. छत्रपती शिवाजी महाराजांच्या अश्वारूढ पुतळ्यास पुष्पहार अर्पण करून आरक्षणाच्या या विजयाला अभिवादन करण्यात आले.

तसेच खानापूर, देगाव, कुशावाडी, सुगाव, लिंगन, केरूर, रामपूर, गवंडगाव, होटल, हाळी, क्षिरसमुद्र, हाणेगाव, करडखेड, धनगरवाडी, लोणी, शिळवणी, बेंब्रा, भायेगाव, कावळागड्डा, मुजळगा, इब्राहिमपूर, सावरगाव या गावांतही मराठा समाज बांधव मोठ्या संख्येने एकत्र आले. गुलाल व फटाक्यांच्या रोषणाईत सर्व वयो गटांनी या उत्सवात सहभाग घेतला. महिला व मुली डिजेच्या गाण्यांवर फुगड्या खेळल्या, तर तरुणाईने ढोल-ताशांवर नाचून आनंद व्यक्त केला.

शासनाने जरांगे पाटील यांच्या प्रमुख मागण्या मान्य करत हैदराबाद व सातारा गँझेटची अंमलबजावणी, आंदोलनात मृत्यू झालेल्या तरुणाच्या कुटुंबीयांना नोकरी, आंदोलकांवरील गुन्हे मागे घेणे आदी निर्णय घेतल्याने समाजबांधवांचा आनंद ओसंडून वाहत होता.

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)

Previous article

🛑मराठा आरक्षण योद्धा मनोज जरांगे पाटील यांचा मोठा विजय —- सर्व मागण्या मान्य झाल्या

Next article

🛑 चार दिवसांपासून जनजीवन विस्कळीत, रस्ता बंदशेतीचे प्रचंड नुकसान प्रशासनाचे दुर्लक्ष

Shahaji Warkhinde

ताज्या बातम्या

ताज्या बातम्या